Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Páxina 1 2 3 4 5 6 7 8 9 10 11 12 13 14 15 · Seguinte
Listadas 15 dun total de 212 ordeadas por nome

Todas A B C D E F G H I J K L M N O P Q R S T U V W X Y Z


Aceiro (Materiais) Metal férreo. Ten unha gran resistencia mecánica, é máis duro có ferro, solda con facilidade e está composto por unha mestura de ferro e carbono, cunha composición de ata un 1,76% de carbono.

Administrador de tarefas (Informática) O administrador de tarefas é un programa informático que se utiliza para proporcionar información sobre os procesos e programas que se están a executar na computadora e a súa situación xeral. Pode usarse para rematar procesos, comprobar o uso destes procesos na CPU, así coma rematar programas e cambiar a propiedade entre procesos.

Aeroxerador (Enerxía) Un aeroxerador é un dispositivo cun xerador destinado a converter enerxía eólica en enerxía eléctrica. Os aeroxeradores coñécense tamén popularmente co nome de virandelos. Constan principalmente dun rotor que capta a enerxía do vento, unha multiplicadora que aumenta a velocidade de rotación e un xerador que produce enerxía eléctrica a partir da enerxía mecánica. Máis información

Afialapis (Ferramentas) Un afialapis ou aguzalapis é unha ferramenta que se utiliza para afiar lapis. Poden ser manuais ou eléctricos. Máis información

Aixada (Ferramentas) Instrumento de labranza formado por unha pa de ferro colocada perpendicularmente ao mango nun dos seus cabos. Serve para cavar ou remexer a terra. Pódense facer furados para plantar árbores e tamén podemos facer regos con ela. Un tipo de aixada é o sacho, que normalmente é un pouco máis pequeno.

Aliaxe (Materiais) Unha aliaxe é unha mestura homoxénea ou unha disolución sólida dun metal con outros elementos que conserva o aspecto e as propiedades dun metal. Porén, as propiedades mecánicas tales como a dureza, ductilidade, tenacidade, etc poden ser moi diferentes das dos metais puros, e de aí o seu interese industrial. Exemplos: Aceiro (ferro e carbono), Bronce (cobre e estaño), Latón (cobre e cinc) Máis información

Alicates universais (Ferramentas) Son tenaces de aceiro con brazos encurvados e puntas cuadrangulares ou de forma de cono truncado, e que serven para coller e suxeitar obxectos miúdos ou para cortar arames, chapiñas delgadas ou cousas similares.

Alicerces (Estruturas e Arquitectura) Alicerces ou cimentos, tamén chamados cimentación ou fundación, é o conxunto das estruturas utilizadas para transmitiren as cargas da construción ao solo. Máis información

Alto forno (Materiais) Alto forno é como se chama a construción utilizada na siderurxia, de tamaño variábel e de forma aproximadamente cilíndrica, feita de aceiro revestido internamente con material refractario, onde é fundido o mineral de ferro a fin de transformalo en ferro-gusa ou arrabio. Máis información

Altofalante (Electrónica) Un altofalante é un transdutor que converte a enerxía eléctrica en enerxía acústica (mecánica). Ao circular corrente por unha bobina que se atopa rodeada por un imán, esta comeza a vibrar, provocando a vibración dunha membrana que produce o son. Realiza o proceso contrario ao micrófono, que transforma un sinal acústico nun sinal eléctrico. Pode ser un periférico de saída dun ordenador. Máis información

Amortecedor (Mecánica) Dispositivo mecánico, pneumático ou hidráulico empregado en máquinas con partes móbiles para absorber os movementos bruscos. Utilízanse na suspensión dos vehículos Máis información

Ancho de feixe (Comunicación) Ángulo en graos medido entre os puntos do lóbulo principal de media potencia, ou -3 dB, con respecto á máxima potencia radiada efectiva, podendo estar indicado tanto con respecto ao plano horizontal coma ao plano vertical do diagrama de radiación da antena. Máis información

Aparello (Tecnoloxía) Conxunto organizado de pezas que cumpre unha función determinada. Exemplos: ordenador, trade, etc.

Arame (Materiais) Todo tipo de fío fino que é obtido por trefilado ou polo alongamento de metais diferentes segundo a propiedade de ductilidade. Os principais son de aceiro, cobre, latón, prata, aluminio, entre outros.

Árbore (Mecánica) Unha arbore é un elemento mecánico que a diferenza dun eixo si transmite potencia. Un exemplo é a árbore de levas, que está formada por un eixo no que se colocan distintas levas e poden ter diferentes formas e tamaños e estar orientadas de diferente maneira, para activar distintos mecanismos a intervalos repetitivos, como por exemplo unhas válvulas.