Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 5 6 Páxina 7 8 9 10 11 12 13 14 15 · Seguinte
Listadas 15 dun total de 212 ordeadas por nome

Todas A B C D E F G H I J K L M N O P Q R S T U V W X Y Z


Lintel (Estruturas e Arquitectura) Lintel, lumieira, cubrición ou padieira é un elemento estrutural horizontal, que salva un espazo libre entre dous apoios. É o elemento superior que permite abrir ocos nos muros para conformar portas e xanelas. Máis información

Linguaxe de programación (Informática) Unha linguaxe de programación é unha linguaxe informática consistente nun conxunto de instrucións nun código concreto que ten como obxectivo facilitar a comunicación entre o programador e o sistema informático, permitindo que os primeiros poidan comunicarse cos segundos que empregan o código máquina (en binario) mediante un sistema semellante á linguaxe humana. Máis información

Ligazón (Informatica) En informática, unha ligazón é unha conexión mediante un hipervínculo que salta a outra páxina. Máis información

Lector de tarxetas (Informática) Un lector de tarxetas de memoria é un dispositivo utilizado para ler e pasar os datos dunha memoria de tipo flash (SD, MMC, SM, etc) ao ordenador. Estes dispositivos poden ser tanto internos ou externos.

Lapis de memoria (Informática) Pequeno dispositivo de almacenamento que utiliza memoria flash para gardar a información. Ademais de lapis chámase tamén chave ou pincho de memoria.

Lámpada (Electricidade) Unha lámpada de incandescencia é un dispositivo que produce luz por medio dun filamento metálico que se pon incandescente ao pasar a corrente eléctrica ao seu través Máis información

Labra (Fabricación) É o material que se desprende o levar a cabo determinadas operacións de fabricación tales como o tradeado, o cepillado, etc.

Interruptor Xeral Automático (IXA) (Instalacións) Dispositivo de protección das instalacións eléctricas contra curtocircuítos ou contra sobrecargas. Ten coma finalidade interromper o subministro de enerxía eléctrica a toda a instalación.

Intensidade da corrente (Electricidade) Cantidade de carga eléctrica que atravesa a sección dun condutor na unidade de tempo. A súa unidade é o Amperio (A) e mídese co amperímetro.

Intelixencia artificial (Control e Robótica) A intelixencia artificial dedícase ao desenvolvemento de axentes racionais non vivos, mediante a creación de sistemas artificiais capaces de percibir o seu entorno (sensores), procesar as percepcións (microprocesadores) e actuar no seu entorno (actuadores) de forma racional, é dicir, tomando decisións correctas e maximizando o resultado agardado. No futuro preténdese poder fabricar sistemas cuxo comportamento sexa semellante ao do cerebro humano. Máis información

Ingre (Ferramentas) Ingre tamén recibe en galego o nome de bigornia. No dicionario e-estraviz aparece bigorna, e como sinónimo safra/zafra, que é unha peza metálica maciza que se utiliza como soporte para traballar os metais. Meu pai que é fillo de ferreiro de Ferreiravella en Riotorno (Lugo) utilízaa amplamente. Poño unha foto dun mazo en Ferreiravella (case non se ve a ingre) A foto foi feita por un fotógrafo Alemán chamado Walter Ebelling que estivo por GZ a comezos do século XX e fixo moitas fotos do norte de Lugo. Hai anos fixemos unha exposición no noso cole (Navia de Suarna) coas súas fotos. Nesta ligazón podes ver unha poucas Máis información

Illante térmico (Enerxía) Un illante térmico é todo aquel material que non conduce a calor. Este tipo de materiais úsanse na roupa, na construción, etc.

Illante eléctrico (Electricidade) Un illante eléctrico é aquel material que non conduce a electricidade.

Icona (Informática) Símbolo que aparece na pantalla do ordenador que representa unha aplicación ou un programa e que posibilita a súa execución premendo nel co cursor do rato.

Guindastre (Mecánica) Máquina composta dun brazo articulado sobre un eixe vertical xiratorio, e cunha ou varias poleas, que serve para mover ou erguer cargas pesadas.