Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 5 6 7 8 9 Páxina 10 11 12 13 14 15 · Seguinte
Listadas 15 dun total de 212 ordeadas por número

Todas A B C D E F G H I J K L M N O P Q R S T U V W X Y Z


Berbequí (Ferramentas) O berbequí é unha antiga ferramenta manual usada en carpintería e ebanistería para facer furados na madeira con moita precisión a través dunha barrena.

Alicates universais (Ferramentas) Son tenaces de aceiro con brazos encurvados e puntas cuadrangulares ou de forma de cono truncado, e que serven para coller e suxeitar obxectos miúdos ou para cortar arames, chapiñas delgadas ou cousas similares.

Fidelidade (Electrónica) Grao de exactitude coa que un sistema reproduce na súa saída as características esenciais do sinal que se aplica á súa entrada. En música a alta fidelidade chámase Hi-Fi, que é a que mellor calidade ten.

Enxeñaría inversa (Tecnoloxía) Metodoloxía que permite obter información dun sistema dispoñible para o público, pero do que non se coñece nin como nin con que está feito, nin o que o fai funcionar ou como foi fabricado.

Vasoiriña (Electricidade) Bloque de grafito, con ou sen cobre, utilizado para facer contacto eléctrico entre unha superficie fixa e outra móbil dunha máquina eléctrica

Enxeñería (Tecnoloxía) A enxeñería ou enxeñaría aplica o coñecemento científico e técnico para solucionar problemas prácticos. Os enxeñeiros/as usan a imaxinación, o xuízo, a razón e a experiencia para aplicar a ciencia e a tecnoloxía á resolución de problemas para a satisfacción das necesidades sociais. O resultado constitúeno o deseño, a produción e o uso de obxectos útiles ou procesos. Máis información

Curtocircuíto (Electricidade) Conexión de baixa resistencia a través dunha fonte de tensión ou entre dous puntos dun circuíto que normalmente orixina unha circulación excesiva de corrente que pode provocar danos.

Amortecedor (Mecánica) Dispositivo mecánico, pneumático ou hidráulico empregado en máquinas con partes móbiles para absorber os movementos bruscos. Utilízanse na suspensión dos vehículos Máis información

Ultrasóns (Control e Robótica) É un son de frecuencia superior a 20000 Hz que non pode ser percibido polo ser humano, aínda que si poden percibilo algúns animais. Utilízase para facer sensores ultrasónicos que utilizan os robots para detectar a presenza de obxectos. Utilízanse tamén nos aparellos para facer ecografías. Máis información

Cambra (Electricidade) Contracción espasmódica e dolorosa dun músculo cando se somete un corpo á acción dunha corrente eléctrica.

Ferruxe (Materiais) Óxido férrico hidratado de cor parda e vermella que se forma sobre o ferro exposto á humidade.

Aceiro (Materiais) Metal férreo. Ten unha gran resistencia mecánica, é máis duro có ferro, solda con facilidade e está composto por unha mestura de ferro e carbono, cunha composición de ata un 1,76% de carbono.

Trollo (Ferramentas) É unha ferramenta que consiste nunha folla metálica cunha agarradoira. Utilízase para aplicar morteiro ou xeso sobre unha parede.

Ferro coado (Materiais) Metal férreo composto por unha mistura de ferro e carbono nunha proporción entre 1,76 e 4,5% e que é menos resistente có aceiro. Chámase tamén fundición.

Liñas de cota (Debuxo técnico) Utilízanse nos debuxos técnicos. Son liñas paralelas á aresta que se quere acoutar e de lonxitude igual a ela. Sitúase no exterior da figura.