Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 Páxina 5 6 7 8 9 10 11 12 13 14 15 · Seguinte
Listadas 15 dun total de 212 ordeadas por número

Todas A B C D E F G H I J K L M N O P Q R S T U V W X Y Z


Proxecto (Tecnoloxía) Un proxecto é unha tarefa planificada que consiste nun conxunto de actividades que teñen como fin acadar un obxectivo dentro dos límites que impoñen un orzamento e un lapso de tempo previamente definidos. A xestión de proxectos é a aplicación de coñecementos, habilidades, ferramentas e técnicas ás actividades dun proxecto para satisfacer os requisitos do mesmo.

Administrador de tarefas (Informática) O administrador de tarefas é un programa informático que se utiliza para proporcionar información sobre os procesos e programas que se están a executar na computadora e a súa situación xeral. Pode usarse para rematar procesos, comprobar o uso destes procesos na CPU, así coma rematar programas e cambiar a propiedade entre procesos.

Coitelo (Ferramentas) Instrumento que consta dunha folla de metal con fío por un dos lados e unida a un mango, que se usa para cortar diferentes cousas.

Computador (Informática) Un ordenador, computadora ou computador, é unha máquina que realiza cálculos e controla operacións expresadas en termos lóxicos e numéricos. O ordenador é un sistema dixital con tecnoloxía microelectrónica, capaz de procesar datos a partir dun grupo de instrucións denominado programa. A estrutura básica dun ordenador inclúe microprocesador (CPU), memoria e dispositivos de entrada/saída (E/S), xunto ós buses que permiten a comunicación entre eles.

Cravo (Mecánica) Pequena barra de metal rematada en punta e cunha cabeza no extremo oposto que se usa para unir pezas. O normal é chantar os cravos na peza coa axuda dun martelo ou unha pistola de cravos pneumática. Máis información

Porto USB (Informática) O Universal Serial Bus ou Universal Serial Driver (USC), comunmente abreviado USB é unha porta utilizada para conectar periféricos a un ordenador. Foi creado en 1996 por sete empresas: IBM, Intel, Northern Telecom, Compaq, Microsoft, Digital Equipment Corporation e a NEC.

Mensaxe (Comunicación) Unha mensaxe é unha información conformada por unha secuencia de sinais que corresponden a regras de comunicación precisas, que é enviada dun emisor a un receptor por medio dunha canle que serve de soporte físico de transmisión. Máis información

Escuadro (Debuxo técnico) Instrumento, xeralmente de metal ou madeira, con forma de triángulo rectángulo, que serve para trazar e medir ángulos rectos.

Luvas (Ferramentas) Vestimenta que cobre a man, o puño e parte do antebrazo. Pode ter protección en aceiro inoxidable que protexe as mans contra cortes.

Metroloxía (Tecnoloxía) A metroloxía é a ciencia da medida. Ten coma obxectivo o estudo dos sistemas de medida en calquera campo da ciencia e da tecnoloxía. Máis información

Cisallamento (Estruturas e Arquitectura) Esforzo que soportan as estruturas cando están sometidas a forzas que actúan paralelamente á súa sección e en sensos contrarios que tenden a cortala, é dicir, tenden a desprazar unha sección con respecto á outra.

Orzamento (Tecnoloxía) Cálculo do custe dun proxecto ou obra, que se reflicte nun documento.

Videoxogo (Informática) Os videoxogos son programas informáticos de carácter lúdico utilizados en ordenadores ou videoconsolas. Poden ser de moitos tipos. Máis información

Ferralla (Materiais) Conxunto de obxectos de ferro, folla de lata, etc., vellos e usados e que se destinan á reciclaxe.

Ferraxe (Instalacións) Conxunto de elementos mecánicos de apertura e pechamento de portas e ventás.