Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 5 6 7 8 9 10 Páxina 11 12 13 14 15 · Seguinte
Listadas 15 dun total de 212 ordeadas por número

Todas A B C D E F G H I J K L M N O P Q R S T U V W X Y Z


Perspectiva cabaleira (Debuxo técnico) A perspectiva cabaleira consta de dous eixes colocados de forma ortogonal, é dicir, perpendiculares, e un terceiro inclinado, que é o que nos dá a idea de profundidade. O alzado da peza mantén as súas dimensións.

Cable de rede (Comunicación) Un cable de rede é un cable que serve para conectarse a Internet ou para conectar varios ordenadores entre si. Este cable utiliza un conector RJ-45.

Axustes fixos (Mecánica) Elementos que se empregan para unir eixes ou árbores de transmisión longas enlazadas de forma permanente.As árbores teñen que estar perfectamente centradas e teñen que ser resistentes.

Freo de cinta (Mecánica) Consta dunha cinta metálica que fai presión nun tambor instalado no eixe que se desexa frear. Funciona por fricción ou rozamento.

Portos de Comunicación (Informática) A través deles viaxan os datos da operación que queremos realizar. Hai portos en serie (transmítese a información bit a bit, polo que é o máis lento), paralelo (os datos viaxan por grupos, polo que é máis rápido) e portos USB (os máis rápidos).

Voltaxe (Electricidade) A tensión ou voltaxe (V), é a enerxía por unidade de carga que proporciona unha pila ou fonte de alimentación. Mídese en Voltios (V) e mídese co voltímetro. Máis información

Freo de disco (Mecánica) Consta dunhas pastillas e un disco instalado no elemento que se desexa frear. Funciona pola fricción ou rozamento das pastillas cando fan presión no disco.

Empenamento (Estruturas e Arquitectura) Esforzo combinado de compresión e flexión.

Parafuso sen fin (Mecánica) Denomínase parafuso sen fin a unha disposición que transmite o movemento entre eixes que están nun ángulo recto. Cada vez que o parafuso sen fin dá unha volta completa, a engrenaxe avanza un dente.

Piñon-Cremalleira (Mecánica) É un mecanismo formado por unha roda dentada que engrena cunha barra tamén dentada. Este mecanismo transforma o movemento circular da roda en rectilíneo da cremalleira ou viceversa. Utilízase para dar movemento a carros de maquinas, a bandexas de un lector de CD, ao eixe principal dun trade, etc.

Fío Musical (Comunicación) Sistema transmisor de emisións de radio, musicais fundamentalmente, a través das liñas telefónicas.

Buxía (Electricidade) Unha buxía é un dispositivo que ao serlle aplicada unha grande diferenza de potencial (da orde dos 20000 voltios) produce unha faísca, que provoca a inflamación dunha mestura combustíbel nun motor a explosión. Máis información

Desaparafusador (Ferramentas) É unha ferramenta que se utiliza para introducir ou extraer tirafondos ou parafusos que teñen rañura en estrela ou recta en distintos materiais.

Forxa (Materiais) A forxa é o lugar de traballo do ferreiro ou forxador, ou arte que consiste en dar forma ao metal por medio do lume e do martelo.

Fonte de alimentación (Electrónica) Na electrónica, unha fonte de alimentación é un dispositivo que converte a tensión alterna da rede de subministro, nunha ou varias tensións, practicamente continuas, que alimentan os distintos circuítos do aparello electrónico ao que se conecta (ordenador, televisor, impresora, router, etc.)