Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 Páxina 2 3 4 5 6 7 8 9 10 11 12 13 14 15 · Seguinte
Listadas 15 dun total de 212 ordeadas por número

Todas A B C D E F G H I J K L M N O P Q R S T U V W X Y Z


Sinal (Tecnoloxía) Cantidade dunha magnitude eléctrica, acústica, óptica, etc., que pode empregarse para transportar información relativa a comunicacións, control, datos, cálculos, etc.

Regreta de conexións (Electricidade) Conxunto de contactos metálicos illados electricamente entre si, perforados e provistos dun parafuso e montado sobre un material illante (plástico). Emprégase en instalacións eléctricas para realizar conexións entre cables de xeito doado.

Mesa de mesturas (Electrónica) Conxunto de canais e amplificadores onde se trata o sinal procedente de diferentes micrófonos ou liñas, procedendo a subministrar saídas agrupadas ou individuais. Máis información

Panferra (Ferramentas) Rapa. Ferramenta con mango de madeira e corpo metálico plano que serve para tirar os percebes da rocha.

Obradoiro (Tecnoloxía) Un obradoiro é un taller artesanal, ou un lugar onde traballa un artesán. A Praza do Obradoiro de Santiago de Compostela fai alusión ao taller de canteiros que traballaban para construír a catedral.

Teléfono móbil (Comunicación) Un teléfono móbil é un dispositivo de comunicación electrónico portátil que non require cables condutores para a súa conexión á rede telefónica. Conéctanse coa rede usando unha tecnoloxía sen fíos da transmisión da onda de radio por medio dunha rede celular de estacións base, que á vez enlaza coa rede de teléfono convencional. Ademais da comunicación por voz, pode incluír outras funcións como cámara fotográfica e de vídeo, mensaxes, reprodutor de mp3, acceso a internet, GPS, etc.

Realidade virtual (Tecnoloxía) A realidade virtual é un sistema tecnolóxico baseado no emprego de ordenadores e outros dispositivos (gafas especiais, auriculares, traxes con sensores, etc.) que producen unha aparencia ficticia de realidade e que permite ao usuario ter a sensación de estar presente nela.

Máscara de rede (Informática) Conxunto de bits que serve para delimitar o ámbito dunha rede de computadoras. Especifica os bits dun enderezo IP que corresponden a unha mesma rede.

Tecnoloxía (Tecnoloxía) A Tecnoloxía defínese como o conxunto de coñecementos e técnicas que, aplicados de forma lóxica e ordenada, permiten ao ser humano modificar a súa contorna material ou virtual para satisfacer as súas necesidades ou resolver problemas. A actividade da tecnoloxía é, mediante o método de proxectos, o deseño, creación e construción de obxectos e sistemas para poñelos a disposición da sociedade. Máis información

Ingre (Ferramentas) Ingre tamén recibe en galego o nome de bigornia. No dicionario e-estraviz aparece bigorna, e como sinónimo safra/zafra, que é unha peza metálica maciza que se utiliza como soporte para traballar os metais. Meu pai que é fillo de ferreiro de Ferreiravella en Riotorno (Lugo) utilízaa amplamente. Poño unha foto dun mazo en Ferreiravella (case non se ve a ingre) A foto foi feita por un fotógrafo Alemán chamado Walter Ebelling que estivo por GZ a comezos do século XX e fixo moitas fotos do norte de Lugo. Hai anos fixemos unha exposición no noso cole (Navia de Suarna) coas súas fotos. Nesta ligazón podes ver unha poucas Máis información

Rede de saneamento (Instalacións) Conxunto de condutos, canalizacións, conexións e outros dispositivos empregados para conducir as augas residuais e pluviais dun edificio á rede de sumidoiros pública ou a unha instalación particular de tratamento de augas.

Brosa (Ferramentas) É unha ferramenta que serve para cortar leña. Está formada por unha folla grosa, polo xeral en forma de trapecio, con gume por un lado e unida a un mango de pau. Este nome utilízase na zona norte de Lugo e de A Coruña. Noutras zonas chámaselle machada.

Taboleiro (Materiais) Prancha de madeira que presenta unha superficie plana e lisa e que se constrúe unindo táboas.

Aixada (Ferramentas) Instrumento de labranza formado por unha pa de ferro colocada perpendicularmente ao mango nun dos seus cabos. Serve para cavar ou remexer a terra. Pódense facer furados para plantar árbores e tamén podemos facer regos con ela. Un tipo de aixada é o sacho, que normalmente é un pouco máis pequeno.

Tarxeta gráfica (Informática) Compoñente informático encargado de procesar os datos de imaxe procedentes da CPU e transformalos en información representable nunha pantalla ou monitor para a súa visualización.