Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 5 6 7 8 9 10 11 12 13 Páxina 14 15 · Seguinte
Listadas 15 dun total de 212 ordeadas por especialidade

Todas A B C D E F G H I J K L M N O P Q R S T U V W X Y Z


Cravo (Mecánica) Pequena barra de metal rematada en punta e cunha cabeza no extremo oposto que se usa para unir pezas. O normal é chantar os cravos na peza coa axuda dun martelo ou unha pistola de cravos pneumática. Máis información

Pina (Mecánica) Nunha roda a pina ou lamia é a parte metálica sobre a que se monta o pneumático. Por exemplo: Este coche ten as pinas de aliaxe.

Billa (Mecánica) Cano con chave para abrir ou pecha-la saída dun líquido.

Chumaceira de bólas (Mecánica) Peza metálica ou de madeira con rosca na cal descansa ou vira calquera eixe e cuxa función é evitar a fricción. A chumaceira está formada por dous cilindros concéntricos entre os que se colocan bólas. Tamén se di do rebaixe no que se fixa un remo nunha barca.

Guindastre (Mecánica) Máquina composta dun brazo articulado sobre un eixe vertical xiratorio, e cunha ou varias poleas, que serve para mover ou erguer cargas pesadas.

Aparello (Tecnoloxía) Conxunto organizado de pezas que cumpre unha función determinada. Exemplos: ordenador, trade, etc.

Enxeñería (Tecnoloxía) A enxeñería ou enxeñaría aplica o coñecemento científico e técnico para solucionar problemas prácticos. Os enxeñeiros/as usan a imaxinación, o xuízo, a razón e a experiencia para aplicar a ciencia e a tecnoloxía á resolución de problemas para a satisfacción das necesidades sociais. O resultado constitúeno o deseño, a produción e o uso de obxectos útiles ou procesos. Máis información

Enxeñaría inversa (Tecnoloxía) Metodoloxía que permite obter información dun sistema dispoñible para o público, pero do que non se coñece nin como nin con que está feito, nin o que o fai funcionar ou como foi fabricado.

Circuíto (Tecnoloxía) Un circuíto, en xeral, é unha interconexión de dispositivos percorridos por un fluído común (circuíto eléctrico, circuíto electrónico, hidráulico, pneumático etc.)

Orzamento (Tecnoloxía) Cálculo do custe dun proxecto ou obra, que se reflicte nun documento.

Metroloxía (Tecnoloxía) A metroloxía é a ciencia da medida. Ten coma obxectivo o estudo dos sistemas de medida en calquera campo da ciencia e da tecnoloxía. Máis información

Proxecto (Tecnoloxía) Un proxecto é unha tarefa planificada que consiste nun conxunto de actividades que teñen como fin acadar un obxectivo dentro dos límites que impoñen un orzamento e un lapso de tempo previamente definidos. A xestión de proxectos é a aplicación de coñecementos, habilidades, ferramentas e técnicas ás actividades dun proxecto para satisfacer os requisitos do mesmo.

Compás (Tecnoloxía) Instrumento que serve para a orientación no que están representados os puntos cardinais, cunha agulla que indica a dirección norte. Ten o seu fundamento na propiedade das agullas magnetizadas de orientarse na dirección do campo magnético terrestre.

Tecnoloxía (Tecnoloxía) A Tecnoloxía defínese como o conxunto de coñecementos e técnicas que, aplicados de forma lóxica e ordenada, permiten ao ser humano modificar a súa contorna material ou virtual para satisfacer as súas necesidades ou resolver problemas. A actividade da tecnoloxía é, mediante o método de proxectos, o deseño, creación e construción de obxectos e sistemas para poñelos a disposición da sociedade. Máis información

Realidade virtual (Tecnoloxía) A realidade virtual é un sistema tecnolóxico baseado no emprego de ordenadores e outros dispositivos (gafas especiais, auriculares, traxes con sensores, etc.) que producen unha aparencia ficticia de realidade e que permite ao usuario ter a sensación de estar presente nela.