tecnoloxia.org

CircuitLab: Simulador de electrónica online

Decateime da existencia do editor/simulador de circuítos electrónicos CircuitLab esta mañá a través dun tuit de slandete, así que pouco tempo tiven para fozar nel. Con todo, paréceme unha aplicación estupenda, pois a interface gráfica é moi atractiva e intuitiva, polo que me parece moi axeitada para os niveis de educación secundaria, especialmente para bacharelato.

Neste vídeo podes ver como funciona:
[youtube: Getting Started with CircuitLab]

Como puidestes ver no vídeo, CircuitLab permite construír circuítos analóxicos e dixitais, cambiar os datos dos compoñentes, calcular as tensións de saída para un compoñente determinado ou observar o sinal do osciloscopio. Outro aspecto interesante é que se poden compartir os esquemas co resto de usuarios e usuarias.

Un dos inconvenientes é que a listaxe de compoñentes é limitada, e algúns bótanse moito en falta.

Aquí tes un dos circuítos que veñen de exemplo:

Desde logo que é unha sorte contar con este tipo de aplicacións que se executan desde o navegador, e non andar a depender de instalacións de escritorio deseñadas para un determinado sistema operativo (sexa cal sexa). Lembrádevos por exemplo de Logic-Lab ou de logic.ly dos que falei hai tempo.

Cada vez hai máis aplicacións online para facer de todo. Agora só falta unha aposta clara para mellorar a conectividade dos centros de ensino galegos, moitos cun ancho de banda que provoca desacougo, coma é o noso caso.

Tweet about this on TwitterShare on FacebookShare on Google+Email this to someone

6 comentarios

  1. Gracias por la información, siempre se echa de menos un simulador tan rápido y cómodo como el crocodile, será este?

  2. Grazas a ti por comentar.
    Coma o crocodile desde logo que non hai nada, e a este fáltanlle algúns compoñentes para que o poida substituír, polo menos nas simulacións de electrónica analóxica de 4º de ESO (boto en falta lámpadas, LDRs, termistores, etc.)
    Pero polo demais está moi ben, gústame moito.

  3. Pingback: CircuitLab, diseña y prueba circuitos online

  4. Hi, circuitlab rocks ! I found another very cool one – http://www.DoCircuits.com — it has real looking devices and components as well.

  5. Muchas gracias por la información, aunque se echa de menos algo más adaptado a los alumnos de la ESO.

Deixa unha resposta

Campos obrigatorios *.