Blogue

Nestes vídeos explican de xeito ameno e sinxelo que son os plásticos, tipos e características, como se fabrican, métodos de conformación (vemos os procesos de extrusión, inxección, soprado, etc) e as súas aplicacións.

[youtube: Lista de reprodución - Plásticos (2 vídeos)]

Neste vídeo de Discovery Channel podedes ver como se fabrican as botellas de plástico PET (polietileno tereftalato):

[youtube: Cómo se hacen las botellas de plástico]

E tamén son interesantes as animacións de procesos industriais de CDP (Centre de développement pédagogique pour la formation générale en science et technologie)

Para ver outras animacións vai a Industrial processes
·

E se todo isto paréceche aburrido, sempre podes entreterte estoupando esta lámina de polietileno con burbullas de aire. (Vía: tecnologiahabitual)

[papel bolha]

E aquí tedes unha máquina de fabricar papel burbulla

[youtube: Maquina De Bolsas Para Relleno Pillow Pak'r]

Unha curiosidade para os que vos guste o fútbol e para os que non: Sabedes como se fabrica un deses balóns?

Aquí tedes un vídeo:

[youtube: Production process of the official 2010 FIFA World Cup match ball Jabulani ]

Se dígovos que pensedes no son das máquinas e das ferramentas seguro que vénvos á cabeza algo molesto e estrondoso, mais non ten por que ser así.
Escoita esta música. Está feita completamente cos sons producidos ao manipular ferramentas e máquinas.

[youtube: Craftsman Music Experiment]

(Visto en Sorprendible)

@chiulongina pásame a través do twitter outro vídeo de música feita co son das ferramentas, desta banda vai sobre deforestación:

[youtube: Cold Cut-Timber]

O venres e o luns iremos visitar a factoría PSA-Peugeot-Citroën en Vigo. Para ir preparándonos para o que imos ver temos o seguinte material:

O proceso:

Na páxina de PSA-Peugeot-Citroën temos estupenda animación do proceso de fabricación, no que se ve:

• embutición: a partir de chapa galvanizada fanse as distintas pezas da carrocería
• soldadura: ensamblado e conformación das pezas mediante robots soldadores
• pintura: realízase mediante robots, pero nós non imos ver esta parte
• montaxe: colócanse a portas, taboleiro de mandos, asentos, parabrisas, rodas, motor, etc.
• e o control de calidade final.

Clica na imaxe para ver a animación flash.

Vídeos:

Como isto non é máis ca unha animación, cómpre ver tamén uns vídeos do proceso

Robots industriais:

Teñen tamén unha animación do funcionamento dos robots industriais utilizados na fábrica.

·

Consignas de seguridade para a visita:

• Deben vir calzados con calzado deportivo ou zapatos de punta redonda.
• Non se permite a entrada ao centro con mochilas, así que deberán deixalas no autobús.
• Antes de comezar a visita, entregaranse unhas batas, zapatos ou punteiras de seguridade e lentes de seguridade.
• Todo o material deberá ser devolto unha vez finalizada a visita.
• Nos talleres hai marcadas no chan uns camiños peonís, que deberán ser utilizados pola visita, xa que os corredores son estreitos e utilízanos para fornecer material ás liñas de fabricación.
• Durante o percorrido pasarase por corredores por os que cruzan vehículos, así que se debe ir moi atento.
• A visita deberá ir agrupada; é dicir, non deberá quedar xente atrasada nin disgregada do grupo principal.
• No percorrido realizaranse varias paradas para ver operacións concretas do proceso de fabricación dun automóbil. Nestas paradas, os visitantes deberán agruparse seguindo as indicacións, con coidado de non invadir os corredores, para poder escoitar as explicacións que dará a azafata.
• En caso de incumprimento reiterado da normativa de seguridade, a azafata está autorizada para dar por finalizada a visita, aínda que non se remate o percorrido previsto.

Despois das vacacións de Nadal é habitual ver tenis novos nos pés da rapazada do insti. Semella ser un dos regalos máis pedidos.

Se queres darlle un toque persoal non chega con levar un modelo orixinal. Proba atar os cordóns de distinto xeito. En cuartoderecha.com atopei unha chea de maneiras de atar os cordóns. Comeza con estas 14:

Se queres ver as instrucións máis detalladas vai a buburuza.net.

Pero se non te chegan con eses 14 modelos non te preocupes, que aínda hai máis. En fieggen.com móstrannos 33 xeitos de atarse os cordóns.

E para quen non queira complicarse existe un sistema que aforra o traballo de facer o lazo:

[youtube: The North Face Endurus XCR Boa]

Outro sistema moi común de peche para os tenis é o velcro.
Foi inventado por George de Mestral en 1955 e conta nun lado cuns ganchos máis ou menos deformables que se agarran a unha tira de fibras enmarañadas.

Aquí podes ver unha imaxe microscópica:

Pero a cousa non se queda aí. Enxeñeiros alemáns do Instituto de Fundición e Mecanizado de metais na Universidade Técnica de Munich deseñaron un “velcro” de aceiro capaz de soportar cargas de ata 35 toneladas por metro cadrado a temperaturas de ata 800 graos. Chámase Metaklett.

Por suposto que non vale para amarrar as zapatillas. As aplicacións deste tipo de unión son industriais: suxeición de grandes cargas, ensamblado, constución, etc.

O blogue Aula de Tecnologías dános a coñecer un interesante simulador do ensaio de tracción: Tensile Testing Simulation.

Permite seleccionar entre seis tipos de aceiros e comparar as diferentes gráficas.

A web Why Study Materials ofrece outros interesantes recursos en inglés para o estudio dos materiais.

Unha mágoa non telo coñecido antes, pois xa rematamos este tema de 2º de bacharelato, pero queda aquí gardado para o curso que vén, e por se alguén o quere utilizar.

Se a alguén lle interesa, materiais.wik.is é un traballo realizado polo alumnado do curso pasado, que buscou vídeos dos diferentes ensaios mecánicos realizados na industria. Este curso actualizámolo con algún vídeo máis.