tecnoloxia.org

Concurso de vídeo “A ciencia na miña vida”

lightbulb.jpgOs Museos Científicos Coruñeses convocan un concurso de vídeo afeccionado sobre os impactos da ciencia e da tecnoloxía na nosa vida, englobado no proxecto CASC (Cidades e Comunicación da Ciencia) Unión Europea.

Trátase de realizar unha gravación curta, de menos de 3 minutos, cuxo contido responda á seguinte pregunta:

Que problemas che gustaría que resolvesen a ciencia e a tecnoloxía no futuro?

O obxectivo da convocatoria é invitar a reflexionar sobre o papel que a ciencia e a tecnoloxía xogan nas nosas vidas e en particular cales son as nosas expectativas acerca do que poden proporcionarnos para o futuro.

Seguro que moitas veces botastes en falta algún sistema ou trebello que vos solucionase algún problema. Pensádeo. Estas vacacións de Semana Santa son boas datas para coller a cámara e facer este traballo.

Podedes gañar unha cámara de vídeo e unha viaxe a Bruxelas, onde competiredes cos gañadores do resto de países participantes.

Os traballos serán valorados por un xurado que terá en conta a orixinalidade, a claridade da mensaxe e o valor artístico dos vídeos. A calidade técnica non terá moita consideración, polo que as gravacións poden ser realizadas mesmo con teléfonos móbiles ou webcams.

A data límite para presentar os traballos é ata o 16 de abril, así que quen se anime que traia o seu vídeo á volta das vacacións.

Aquí tedes máis información sobre a convocatoria.

(Vía: Microsiervos)
(Imaxe de: robotsandmonsters.org)

Tweet about this on TwitterShare on FacebookShare on Google+Email this to someone

IV Premio Espiral Edublogs 2010

IVpremioEspiralEdublogs100.jpgXa comezou a cuarta edición do Premio Espiral Edublogs10, convocado pola Asociación Espiral, Educación e Tecnoloxía.

Con estes premios preténdese:

  • Valorar a importancia e repercusión dos blogues na educación.
  • Recoñecer o traballo do profesorado na rede demostrando a súa utilidade pedagóxica.
  • Servir de escaparate motivador dunha corrente educativa dentro do blogomillo.
  • Favorecer canles de opinión e debate.

Xa presentei o meu blogue tecnoloxia.org ao concurso. Se queres podes deixar alí unha mensaxe de apoio.

Se es profesora ou profesor e tes un blogue, anímate a presentalo. Máis alá dos premios, que son o de menos, o máis importante desta iniciativa é a difusión que se fai dos blogues educativos, e que se lle dea visibilidade ao traballo que se está a facer dende as aulas de ensino de tódolos niveis.

Máis información: http://edublogs10.ciberespiral.org

Tweet about this on TwitterShare on FacebookShare on Google+Email this to someone

III Xornada Monográfica de APETEGA. Enerxía Solar.

apetega_solar.pngAPETEGA organiza un ano máis a Xornada Monográfica, esta bez baixo o tema A Enerxía Solar. Será o 28 de novembro de 2009 en Nigrán.

A xornada está dirixida ao profesorado do ensino público de educación secundaria que imparta a área de Tecnoloxía.

Os obxectivos son:

  • Presentar os principios físicos de captación e almacenamento de enerxía solar térmica e a súa aplicación ao procesado de alimentos.
  • Fomentar o desenvolvemento de prototipos de cociñas solares adaptadas a diferentes condicións e usos.
  • Presentar os materiais e dispositivos empregados na captación e utilización da enerxía solar fotovoltaica.
  • Capacitar ao profesorado na construción de reguladores de tensión electrónicos adaptados a uso solar.

Prazo de inscrición: dende o luns 9 de novembro ás 22:00 h ata o venres 20 de novembro ás 20:00 h
Hai prazas limitadas, así que se vos interesa anotádevos canto antes.

Máis información:

Tweet about this on TwitterShare on FacebookShare on Google+Email this to someone

Xornada sobre creación de vi­deoxogos

Queredes saber como se fan os videoxogos?

Os alumnos e alumnas de Tecnoloxía de 4ºESO e Bacharelato estades de sorte. Gradiant (Centro Tecnolóxico das Telecomunicacións de Galicia) organiza unha xornada sobre creación de videoxogos en Galicia destinada a estudantes de Educación Secundaria.

A historia do videoxogo en Galicia será explicada por un experto de Continental Games, que tamén nos explicará como producen os seus videoxogos, incluídos os que están a facer para Wii.

Falarase ademais da biometría aplicada ós videoxogos. Un experto de Gradiant ocuparase deste tema e ensinará en que consiste a inmersión en escenas 3D, a detección e seguemento de caras, a realidade aumentada e outras demostracións prácticas.

videoxogos.jpg

A xornada desenvolverase o día 16 a partir das 11 da mañá na Escola Técnica Superior de Enxeñería de Telecomunicación, no CUVI.

Máis información en Gradiant

Tweet about this on TwitterShare on FacebookShare on Google+Email this to someone

Certame de Relatos de Ciencia Ficción. A escola do futuro

Entérome algo tarde, pero aínda hai tempo para participar no Certame de Relatos de Ciencia Ficción. A escola do futuro que organiza Gradiant, o Centro Tecnolóxico de Telecomunicacións de Galicia.

Animádevos a presentar un relato curto, en galego, do xénero ciencia ficción, no que se presenten ideas sobre a tecnoloxía na escola nun futuro próximo. Pódese complementar con ilustracións ou deseños das propostas de innovación que aparezan en cada traballo.

Tedes ata o 11 de novembro (algo antes, para que nos dea tempo co corrixir e enviar) e podedes gañar unha Nintendo DSi.

Aquí tedes as Bases da Convocatoria.

Non sodes os primeiros que imaxinaron unha escola no futuro, pero a ver se facédelo mellor ca estes:

Jean-Marc Cotê (1899)
imaxinando a escola no ano 2000
(Post: A escola do futuro)

Shigeru Komatsuzaki (1969)
computopia_1.jpg
(Post: Computopías. Visión futurista da escola.)

Tweet about this on TwitterShare on FacebookShare on Google+Email this to someone