Intensidade de corrente .

A intensidade (I) é a cantidade de carga eléctrica que atravesa a sección dun condutor nun segundo.

Mídese en amperios (A)

Indica, para os seguintes condutores, se a intensidade é alta ou baixa:

Máis voltaxe => máis intensidade

Canta máis voltaxe teña a pila que conectemos a un circuíto máis intensidade circulará, pois os electróns terán máis enerxía para moverse, e pasará máis cantidade de carga nun segundo. Pero, coidado, que se nos pasamos coa voltaxe, a intensidade faise tan grande que os receptores que conectemos pódense fundir.

Acende todos os circuítos. Verás que canta máis voltaxe teña a pila máis intensidade circula e as lámpadas alumean máis.

Fai clic para pechar os interruptores, fai dobre clic para abrilos.

Máis resistencia => menos intensidade

Canta máis resistencia teña un circuíto menor será a intensidade que circula por el, xa que aos electróns lles custará máis circular.

Acende todos os circuítos. Verás que cantas máis lámpadas conectamos en serie no circuíto máis resistencia hai e, polo tanto, circula menos intensidade. As lámpadas cada vez alumean menos.

Fai clic para pechar os interruptores, fai dobre clic para abrilos.