O circuíto eléctrico simple

Compoñentes

Para construír un circuíto eléctrico necesitamos:

Unha pila: é o elemento que nos proporciona a enerxía necesaria para que os electróns circulen.

Cable: é o medio polo que os electróns van circular. Está composto de cobre, que é un material condutor, e unha envoltura de plástico, que actúa como illante.

Unha lámpada, un motor, ou un zoador. Son os elementos receptores da electricidade. Recíbena para transformala en luz e calor, movemento, ou son respectivamente.

   

Un interruptor ou pulsador. Son os elementos que me permiten manobrar sobre o circuíto.

 

Máis adiante coñecerás máis compoñentes para facer montaxes máis complexas, pero isto chéganos para facer os primeiros circuítos.

A montaxe

Para que a corrente eléctrica circule, o circuíto ten que estar pechado, ten que haber un camiño entre o polo positivo e o negativo da pila. No momento en que o circuíto se abre os electróns deixan de circular.

Fai clic para pechar os interruptores e dobre clic para abrilos.

Circuíto con interruptor e lámpada	Circuíto con interruptor e motor	Circuíto con pulsador e zoador

Sentido da corrente

As frechas que aparecen sobre o cable marcan o sentido da corrente eléctrica que, por convenio, vai do polo positivo ao polo negativo da pila, anque os electróns móvense en sentido contrario.