O Ordenador

A letra A: viaxe dende o teclado ao monitor.

1. O teclado    2. A placa     3. A CPU e o S.O.    4. O programa     5. O monitor    

2. A información chega á placa base

O tren de oito bits correspondente á letra A xa saíu do teclado a través dun cable conectado a un dos portos do ordenador. Este porto está conectado á placa base, que é onde se atopa a CPU, a circuitería de control, e onde están inseridas a memoria RAM, as tarxetas de rede, de vídeo, de son, etc.

Entre a circuitería de control da placa base temos a chamada porta I/O (porta de entrada/saída) na que cada dispositivo de entrada ou saída ten asignado un rango de direccións, ás da memoria.
No rango de direccións correspondente ao teclado da porta I/O (controlador do teclado) almacénase a información sobre a letra A (01000001).

Logo de introducir dita información xérase unha interrupción (IRQ) de xeito que se escribe un código determinado (o do teclado é o número 9= 00001001) que é transmitido á CPU a través do bus de control (circuíto interno que hai na placa base). Deste xeito avísase á CPU de que chega unha nova información.