O Ordenador

A letra A: viaxe dende o teclado ao monitor.

1. O teclado    2. A placa     3. A CPU e o S.O.    4. O programa     5. O monitor    

1. Prémese un "A" no teclado

Ao premer unha tecla, prememos unha membrana que hai debaixo de todas as teclas, o que provoca variacións eléctricas.
O microprocesador e o circuíto de control do teclado detectan este impulso e identifican a súa posición.

membrana	circuíto de control

 

Esta información codifícase: Segundo o código ASCII, o código que lle corresponde á letra A é o 65, que se representa en binario por unha sucesión de ceros e uns: A = 65 = 01000001. Podes ver nesta páxina o código binario correspondente a outras letras.

 

O teclado almacena estes datos na súa memoria, e despois envía este tren de 8 bits a través do cable serie que se conecta nun porto PS2 (o verde) que vai dar ao controlador de teclado que hai na placa base.

O controlador do teclado é un circuíto integrado que se atopa na placa base e que se encarga de procesar todos os datos que veñen do teclado. Tes máis información na páxina seguinte.