Código Octopus

Programación multidisciplinaria con Scratch na Educación Primaria e Secundaria

Na praia

Reto:

Un polbo atopou na praia unha pelota abandonada, así que decidiu poñerse a xogar. Será quen de manter a pelota sempre no aire?

Para facermos este xogo precisamos un polbo que se mova seguindo o punteiro do rato e unha pelota que rebote no polbo e nos bordos do escenario. Este é o resultado:

[Scratch: Na praia 0]

Código do polbo:

napraia0-polbo

Código da pelota:

Propostas:

  • Engade efectos sonoros e visuais. Por exemplo, que se escoite un son cada vez que a pelota rebota na cabeza do polbo, ou que o polbo faga algo cando perda a partida.

Engadimos vidas:

Imos engadir 3 vidas para que o xogo non remate tan pronto. Cada vez que a pelota cae, pérdese unha vida.

[Scratch: Xogo: Na praia 1]

Código da pelota:

Propostas:

  • No canto de amosar a variable, podes indicar as vidas que faltan mediante unhas pequenas iconas de polbos na parte superior da pantalla. Cada vez que o polbo perde unha vida, desaparece unha das iconas.

Cambiar de escenario.

Non todos os ordenadores dispoñen de rato, así que sería bo poder elixir entre xogar co rato ou co teclado no inicio do xogo. Para iso imos utilizar un cambio de escenario. O xogo comeza cun escenario inicial e, cando o xogador ou xogadora elixa entre teclado e rato, envíase a mensaxe “A xogar” que indica que podemos xogar e mudamos ao escenario 2.

[Scratch: Xogo: Na praia 2]

Código do escenario:

napraia2-escenario

Códigos do rato e do teclado:

napraia2-ratoteclado

Código do polbo:

napraia2-polbo

Código da pelota:

Máis melloras:

  • Ás veces rexístranse varios puntos cada vez que o polbo toca a pelota. Debes mellorar o programa de xeito que sempre se rexistre un único punto en cada rebote co polbo. Para iso debes asegurarte de que a pelota deixa de estar en contacto co polbo despois de sumar un punto. Como o farías?
  • Para lle darmos máis emoción ao xogo, podemos facer que a velocidade á que se move a pelota vaia aumentando a medida que imos obtendo máis puntos. Como o farías?
  • Podes engadir distintos niveis, aumentando en cada un deles a complexidade do xogo, por exemplo, engadindo cada vez máis pelotas.
  • Para aumentarmos a superficie de contacto, podemos engadir un sprite rectangular en forma de táboa enriba da cabeza do polbo que se deberá mover a un tempo ca el. Saberías facelo?

Programa un arkanoid

Se cobres de ladrillos a parte superior do escenario e fas que o polbo os vaia destruíndo, xa tes programado o clásico xogo arkanoid. Anímate a facelo!

Fai ti o teu xogo

Podes partir deste escenario inicial: https://scratch.mit.edu/projects/64951058/

Tweet about this on TwitterShare on FacebookShare on Google+Email this to someone


Etiquetas: | 14 Maio 2014, por María L      

Deixa unha resposta

Required fields are marked *.