Código Octopus

Programación multidisciplinaria con Scratch na Educación Primaria e Secundaria

STARgal: Concurso de videoxogos e videopoemas en galego

O martes 10 de maio temos outra cita que une a programación e a lingua galegaSTARgal, organizado polo IES A Cachada, de Boiro, e que pretende reivindicar o uso do galego nas áreas de prestixio como a programación informática.

Trátase dunha competición virtual na que participarán simultaneamente todos os centros de Galicia que o desexen, e que consistirá en dúas probas:

  • RañaSTARgal, unha competición de habilidade e coñecementos a través de videoxogos elaborados polo alumnado de Boiro con Scratch
  • OlloSTARgal, un concurso de videopoemas elaborados con móbil, organizado en colaboración co Festival Audiovisual Escolar Olloboi

Tendes toda a información sobre o evento no blogue de STARgal e podedes seguir toda a información sobre o evento en twitter co hashtag #STARgal

 

Tweet about this on TwitterShare on FacebookShare on Google+Email this to someone

6 Maio 2016, por María L | 1 Comment
     

Concurso de programación “Rapaciñ@s”

rapacinosTendes ata o 12 de maio ás 23:00 horas para crear e enviar unha historia contada con Scratch sobre o Día das Letras Galegas ao concurso “Rapaciñ@s”, organizado polo CPEIG coa colaboración de Amtega.

Poden participar grupos de alumnos e alumnas de entre 10 e 14 anos. O xurado valorará o nivel funcional, a implantación de programación e deseño, a finalidade e orixinalidade e a relación coa temática do certame. Podedes consultar as bases aquí (pdf)

Queres ver un exemplo?

[Scratch: Homenaxe a Manuel María]

Animádevos a programar en galego!

Tweet about this on TwitterShare on FacebookShare on Google+Email this to someone

6 Maio 2016, por María L | 1 Comment
     

Scratch Day na Coruña

scratchdaylogoO vindeiro sábado 7 de maio a Facultade de Informática da Coruña acollerá o Scratch Day, unha xornada organizada polo Colexio Profesional de Enxeñaría Técnica en Informática (CPETIG)  para difundir os valores da programación informática de forma lúdica e divertida.

Durante a xornada celebraranse talleres gratuítos de niveis básico e avanzado de Scratch orientados a nenas e nenos de entre 10 e 14 anos acompañados dun adulto, que terán a oportunidade, entre outras moitas actividades, de poder desenvolver o seu videoxogo.

Programa:

  • 9:30 – Benvida aos participantes.
  • De 10:00 a 10:30 – Presentacións e demostracións
  • De 10:30 e 13:30 – Obradoiros de programación en Scratch (inciciación e avanzado)
  • 14:00 – presentación dos proxectos.

Inscrición:

As persoas interesadas en acudir deberán inscribirse a través desta web

Animádevos!

Tweet about this on TwitterShare on FacebookShare on Google+Email this to someone

5 Maio 2016, por María L | 0 comments